အာရက္ခတိုင်းမ်စ် (၆ မတ် ၂၀၂၆)
ရက္ခိုင်ပြည်၊ တောင်ကုတ်မြို့နယ်တွင် မတ်လ ၅ ရက် တရက်ထဲ ဆီဆိုင် ၂ ဆိုင် မီးလောင်ခဲ့တယ်လို့ သိရပါတယ်။
“၄ နာရီခွဲကျော်လောက်မှာ ကင်းတောင်ရွာက ဦးစိန်စု ပိုင်ဆိုင်တဲ့ ဆီဆိုင်မီးလောင်တယ်။ မီးငြိမ်းသတ်ရင်းနဲ့ လူငယ်နှစ်ယောက် အနည်းငယ်ထိခိုက် ဒဏ်ရာ ရသွားတယ်” လို့ တောင်ကုတ်မြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။
အလားတူ ညနေ ၅ နာရီကျော်တွင်လည်း ကိုင်းရျည်ရပ်ကွက်မှာရှိတဲ့ အာရက္ခဆီဆိုင်တွင် မီးလောင်မှုဖြစ်ပွားခဲ့ပါတယ်။
“ကိုင်းရှည် ဦးလွင်မိုးသူ ပိုင်ဆိုင်တဲ့ အာရက္ခဆီဆိုင်မီးလောင်လို့ အဲနားမှာရှိတဲ့ ဦးကိုဆန်းဝေရဲ့အိမ်ရယ် သူပိုင်တဲ့ သာလီစွ စားသောက်ဆိုင်လည်း မီးလောင်ကျွမ်းသွားတယ်” လို့ သူက အာရက္ခတိုင်းမ်စ်ကို ဆက်ပြောပါတယ်။
အဆိုပါ မီးလောင်မှုကို အာရက္ခပြည်သူ့တော်လှန်ရီးအစိုးရရဲ့ မီးသတ်ဌာနက လာရောက် မီးငြိမ်းသတ်မှုကြောင့် ည ၇ နာရီခွဲခန့်တွင် မီးငြိမ်းသွားတယ်လို့လည်း သိရပါတယ်။
အဆိုပါ မီးလောင်မှုများနဲ့ပတ်သက်ပြီး တရားဥပဒေစိုးမိုးရေးနဲ့ ပြည်သူ့လုံခြုံရေးဌာန (DLEPS)က တရားဥပဒေ လုပ်ထုံးလုပ်နည်းများနဲ့အညီ အရေးယူဆောင်ရွက်သွားမယ်လို့လည်း သိရပါတယ်။
Photo – Arakan Princess Media
101 comments