အာရက္ခတိုင်းမ်စ် (၇ ဇူလိုင် ၂၀၂၆)
ညီနောင်မဟာမိတ်အုပ်ချုပ်ရေးဒေသ မူဆယ်မြို့နယ် မိုင်းယု (၁၀၅) မိုင်အတွင်း စားဝတ်နေရေး အခက်အခဲရှိနေကြတဲ့ ရွှေ့ပြောင်းအလုပ်သမားတွေကို အာရက္ခတပ်တော်က ဆန်အိတ်တွေ ထောက်ပံ့ပေးခဲ့တယ်လို့ သိရပါတယ်။
“ ညီနောင်မဟာမိတ်အဖွဲ့က ထောက်ပံ့တာ။ နှစ်ယောက်ကို ဆန် တစ်အိတ်နှုန်းနဲ့ ထောက်ပံ့ပေးခဲ့တာ” လို့ မူဆယ်မြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။
၂၀၂၆ ခုနှစ် ဇူလိုင်လ ၆ ရက် ညနေ ၃ နာရီခန့်တွင် ရွှေ့ပြောင်းအလုပ်သမား ၆၂ ဦးကို နှစ်ဦးလျင် ဆန် တစ်အိတ်နှုန်းနဲ့ ဆန် ၃၁ အိတ်ကို ညီနောင်မဟာမိတ်အုပ်ချုပ်ရေးကော်မတီရုံးမှာ ထောက်ပံ့ပေးခဲ့တာလို့ သိရပါတယ်။
အလားတူ ကိုးကန့်တပ် (MNDAA) ထိန်းချုပ်ထားတဲ့ ပန်ဆိုင်းမြို့နယ်ရှိ ရွှေ့ပြောင်းမြန်မာအလုပ်သမားများနဲ့ စစ်ရှောင်များကို ဇွန်လ ၁၉ ရက် မနက် ၁၀ နာရီခန့်တွင် အာရက္ခတပ်တော် (AA) က ဆန်အိတ်တွေ လှူဒါန်းခဲ့ပါတယ်။
အာရက္ခတပ်တော်က ဆန်အိတ်လှူဒါန်းပေးခဲ့တဲ့သူတွေဟာ ၁၀၂၇ စစ်စဉ်ရေးကာလအတွင်း ပန်ဆိုင်းမြို့ကို ထွက်ပြေး တိမ်းရှောင်လာကြတဲ့ စစ်ဘေးရှောင်များနဲ့ အနယ်နယ်အရပ်ရပ်က အလုပ်လုပ်ကိုင်ရန် ပြောင်းရွှေ့ ရောက်ရှိလာကြတဲ့ သူတွေဖြစ်တယ်လို့ သိရပါတယ်။
ဓာတ်ပုံ- မိုင်းယု
