အာရက္ခတိုင်းမ်စ် (၈ ဇူလိုင် ၂၀၂၆)
အာရက္ခတပ်တော်ရဲ့ လက်နက်ကြီးကျည်ကြောင့် ဇွန်လ ၃၀ ရက်က ပဲခူတိုင်း ပန်းတောင်းမြို့နယ် မသုန်အခြေစိုက် အမှတ် ၁၆ ကာကွယ်ရေးပစ္စည်းထုတ်စက်ရုံ (ကပစ ၁၆) အတွင်း ပေါက်ကွဲမှုဖြစ်ပြီး ၁ ဦးသေဆုံးပြီး ၃ ဦး ဒဏ်ရာ ရရှိခဲ့တယ်လို့ သိရပါတယ်။
“ဇွန်လ ၃၀ ရက်နေ့မှာ ပေါက်ကွဲခဲ့တဲ့ စက်ရုံကတော့ နိုက်ထရစ်အက်ဆစ်ကို အခြေခံပြီး ထုတ်လုပ်တဲ့ WNA Work Shop တစ်ခု ဖြစ်တယ်လို့ သိရှိရပါတယ်” လို့ မြေပြင်စစ်ရေးသတင်းရင်းမြစ်တစ်ဦးက အာရက္ခတိုင်းမ်စ်ကို ပြောပါတယ်။
ပြီးခဲ့တဲ့ မတ်လ ၁ ရက်နေ့ကလည်း ကပစ (၁၆) စက်ရုံကို AA နဲ့ ပူးပေါင်းမဟာမိတ်အဖွဲ့က ရှော့တိုက်ဒုံး၊ လက်နက်ကြီးတွေနဲ့ ထိမှန်အောင် ပစ်ခတ်ခဲ့လို့ စက်ရုံအတွင်းမှာ ပေါ်ကွဲမှုတွေ ဖြစ်ပေါ်ခဲ့ပါသေးတယ်။
ပဲခူးတိုင်း ပန်းတောင်းမြို့နယ်အတွင်းမှာ ကာကွယ်ရေးပစ္စည်းစက်ရုံ ၄ ရုံ တည်ရှိနေပြီး အဲဒီ စက်ရုံတွေကနေ ရွေးတုအစိုးရတပ်အတွက် လိုအပ်တဲ့ လေယာဉ်ဗုံး၊ မော်တာကျည်၊ လက်နက်ငယ်ကျည်နဲ့ ယမ်းအမျိုးမျိုးကို အဓိက ထုတ်လုပ် ဖြန့်ဖြူးပေးနေတာကြောင့် အဓိက ဗဟိုချက် နယ်မြေတစ်ခုလည်း ဖြစ်ပါတယ်။
အဆိုပါ စက်ရုံ ၄ ခုမှ ကပစ (၁၆) စက်ရုံဟာ ယမ်းအကူချက်စက်ရုံ တစ်ခုဖြစ်ပြီး TNT RDX WNA စတဲ့ ယမ်းအမျိုးအစားတွေကို အဓိက ထုတ်လုပ်ရသလို အခြားစစ်လက်နက် ပစ္စည်းတွေ ထုတ်လုပ်ဖို့အတွက် လိုအပ်တဲ့ အရေးကြီးတဲ့ ကုန်ကြမ်း အမြောက်အမြားကိုပါ သိုလှောင်ထားတဲ့နေရာ ဖြစ်တယ်လို့လည်း သိရပါတယ်။
94 comments